Ақтаулық "Каспий" ойыншысы Давид Караев карьерасын Ресейде жалғастыратын болды.
"Матч ТВ" мәліметінше, ресейлік шабуылшы Ұлттық футбол лигасындағы "СКА-Хабаровск" сапына өтті.
"Сергей Юранның командасына 26 жастағы хавбек "Уралдан" еркін агент ретінде өтіп отыр, екатеринбургтық клуб футболшыны "Каспийге" (18 матчте 6 гол және 2 ассист) жалға берген еді.
Караев "Олимп-Долгопрудныймен" ойынға (1:1) да қатысып үлгерген және гол салған", - деп жазады мәлімет көзі.
Айта кетейік, Қазақстан чемпионатының биылғы маусымында Караев алты голмен "Каспийдің" үздік сұрмергені атанды. Ақтаулық команда үшін өткізген 18 матчтің он алтысында футболшы алаңға негізгі құрамда шықты.