Қазақстандық клуб қорғаушысы Еуропа чемпионтының қола жүлдегеріне өтті

Маусымның жартысын "Атырау" сапында өткізген Юре Обшивац словениялық "Домжале" клубына өтті, - деп хабарлайды Vesti.kz.

Келісімшарт "1+1" жүйесі бойынша жасалды.

"Осындай ұйымдасқан жақсы команда мүшесі болғанымды абырой санаймын. Командаға мақсатына жетуге көмектесіп, өзімде карьерамда алға бір қадам жасағым келеді. Клуб жақсы қабылдады, тамаша бапкерлер, жақсы жағдай, команда үшін алғашқы матчті асыға күтемін", - дейді Обшивац.

"Қорғанысқа тәжірибелі футболшы қажет, Юре сөзсіз сондай. Басқа қасиеттерін айтпағанда, Обшивац сұшқан допқа таласқа мықты, оңғы кезде біздің осы тұсымыз осал болып келген. Оның карьерасы мықты футболшы екенін көрсетіп отыр, ол біздің ойынға тұрақтылық әкеледі деген ойдамын", - деп атап өтті клубтың спорт директоры Матей Оражем.

28 жастағы Обшивац карьерасын 2008 жылы хорватиялық "Хайдуке" сапында бастады. Сонымен қатар, "Каштел Гомилица", "Дугополе", "Истра 1961", "Сплит" сияқты командалар үшін ойнады.

2017 жылы ақпанда "Атырау" сапына ауысты, ал желтоқсанда онымен келісімшарт ұзартылмады да, ол румыниялық "Сепси" сапына өтті. 2018 жылы атыраулықтарға Виктор Кумыков келісімен футболшы клубқа қайта оралып, 45 матчте жеті гол салды.

Айта кетейік, "Домжале" 19 тур қорытындысы бойынша Словения чемпионатының он командасы арасында төртінші келеді. Өткен жылы команда елдің қола жүлдегері болған.

Әлеуметтік желілерде бөлісу