Грузиялық футболшы Лука Гадрани "Тараз" сапына ауысты. Бұл туралы жамбылдық клубтың баспасөз қызметі хабарлап отыр.
Гадрани карьерасын "Цхинвали" командасында бастап, 2018-2019 жылдарды "Руставиде" өткізді. В 2019 жылы ирандық "Шахин Бушер" клубына қосылды, ал келесі жылы латвиялық "Валмиера" сапына қосылды.
Футболшы кезінде Грузияның жастар және жасөспірімдер құрамасына шақыртылған.
Мұның алдында тараздық клуб гаитилық Алекс Жуниор, қазақстандықтар Нұрлан Дайыров пен Бекзат Шадмановты сапына қосқан.
Еске салайық, маусым аралығында команданың бас бапкері Нұркен Мазбаев атанды.