14 сәуірде өткен ҚФФ бақылау, тәртіп және әдеп комитеті(БТӘК) отырысының күн тәртібінде "Хан Тәңірі" ФК өкілдері қызметтік тексеріс кезінде UEFA "C" санатындағы жаттырушы лицензиясын растау кезінде жалған құжаттар пайдаланғаны туралы мәселе қаралды, деп хабарлайды Vesti.kz.
Федерацияның баспасөз қызметі таратқан мәлімет бойынша, БТӘК істің материалдарын қарау кезінде ҚФФ өкімін орындамай, қызметтік тексеріске кедергі келтіріп, ынтымақтастықтан бас тартқаны үшін Тәртіптік регламенттің 61-бабы 1-тармағына сәйкес тиісті шаралар қабылданды:
- "Хан Тәңірі" футбол клубына 50 АЕК көлемінде айыппұл салынды. Ол 14 мамырға дейін төленуі тиіс;
- Клуб ҚФФ жарыстар қауіпсіздігі және интегрити қызметіне сұратылған құжаттар мен жазбаша түсініктемелерді белгіленген мерзімде ұсынуға міндеттелді;
Бұл шешім орындалмаса, клубқа қосымша санкциялар, оның ішінде ұпайдан айыру, төменгі дивизионға түсіру, сондай-ақ жауапты тұлғаларға футбол қызметімен айналысуға тыйым салу шаралары қолданылуы мүмкін.
Жарнама