Бүгін, 22 желтоқсанда "Aqtobe City" футбол клубының ресми ашылуы өтті, деп хабарлайды "Серый CARDINAL" телеграм-арнасы.
Футбол клубын ашуға қажет құжаттардың барлығы әділет органдарында тіркелген. Енді клуб басшылығы Қазақстан футбол федерациясы сертификациясынан өтуі үшін керек құжаттарды жинауға кірісіп кеткен. Жаңа клубтың ерекшелігі - ойыншылардың барлығы жергілікті футболшылар.
Команда келер жылдан бастап екінші лигада бой көрсетеді деп күтілуде.
Естеріңізге сала кетейік, ҚПЛ-де өнер көрсететін "Ақтөбе" 2021 жылғы маусымды турнир кестесінде алтыншы болып аяқтады.