Қазақстан Ұлттар лигасында әлі бір гол салмады. Есесіне ойсырай ұтылуы тоқтар емес

Футболдан Қазақстан ұлттық құрамасы Ұлттар лигасындағы ойынын аяқтады. Топтағы соңғы ойында Норвегиядан 5:0 есебімен ұтылды, деп хабарлайды msports.kz сайты. 

Ослода өткен ойында норвегтер айқын басымдықпен жеңіске жетті. Матчта Эрлинг Холанд хет-трик жасаса, Сорлот пен Нуса бір-бір голдан салды.

Станислав Черчесов жаттықтыратын ұлттық құрама топтық кезеңдегі 6 ойында бірде-бір гол соқпады. Ал өз қақпаларына 15 гол өткізді. Осылай, Қазақстан құрамасы бар болғаны 1 ұпай жинап, С дивизионына төмендеді.

В тобындағы үшінші топта бірінші орынды 13 ұпай жинаған Норвегия құрамасы иеленді. 11 ұпай жинаған Аустрия екеуі А дивизионына жолдама алды.