Уэльс құрамасының футболшылары 2006 жылғы әлем чемпионатына іріктеу кезеңіндегі шешуші матчта Солтүстік Македонияны ірі есеппен ұтты, деп хабарлайды Vesti.kz.
Ойын Кардифф қаласында өтіп, 7:1 есебімен аяқталды. Уэльс сапында Харри Уилсон (18-минут, пенальти; 75-минут; 81-минут, пенальти), Дэвид Брукс (21-минут), Бреннан Джонсон (37-минут), Дэниел Джеймс (57-минут) және Нейтан Бродхед (88-минут) гол соқты. Алаң қонақтарынан Боян Миовски (23-минут) бір гол сала алды.
Бұл сенімді жеңістен кейін Уэльс 16 ұпай жинап, топта екінші орынға көтерілді және плей-офф кезеңіне қатысу құқығын жеңіп алды. Солтүстік Македония 13 ұпаймен үшінші орынға тұрақтады.
J тобында бірінші орынды Бельгия құрамасы иеленді. Олар өз алаңында Лихтенштейнді 7:0 есебімен ұтып, 2006 жылғы әлем чемпионатының финалдық кезеңіне тікелей жолдама алды. Лихтенштейн соңғы орында қалды.
J тобының қорытындысы:
Бельгия - 18 ұпай (8 матч)
Уэльс - 16 ұпай (8 матч)
Солтүстік Македония - 13 ұпай (8 матч)
Қазақстан - 8 ұпай (8 матч)
Лихтенштейн - 0 ұпай (8 матч).
Жарнама