Қазақстан құрамасының шабуылшысы Максим Федин жаңа маусымнан бастап "Тұран" клубының намысын қорғайды. Бұл туралы түркістандық клубтың баспасөз қызметі хабарлайды.
Өткен жылы 25 жастағы ойыншы "Ақтөбе" сапында доп теуіп, төрт гол соққан. Ұлттық құрама сапындағы алғашқы кездесуін 2018 жылы 14 қазанда Ұлттар лигасы аясында Литва құрамасына қарсы өткізді.
Осыған дейін Фединнің өкілдері беларуссиялық "Шахтермен" келіссөздер жүргізген. Алайда ішкі біріншілігінде чемпион атанған Солигорск қаласының командасы қазақстандық футболшыны қатарына қоспады.
Еске салайық, "Тұран" былтырғы маусымда Қазақстан чемпионатында 12-орын иеленді. Ал жуырда киелі Түркістанның басты ұжымын ресейлік Владимир Газзаев тізгіндеді.