Қазақстан құрамасының шабуылшысы Бауыржан Тұрысбек "Шахтер" сапына қосылды, - деп хабарлайды қарағандылық клубтың баспасөз қызметі.
28 жастағы форвард өнер көрсеткен кейінгі команда "Тобыл" болатын. Алматылық футбол мектебінің түлегі карьерасында "Қайрат", "Жетісу", сербиялық "Раднички", семейлік "Спартак" пен "Сүңқар" командаларында ойнаған.
Қазақстан құрамасы үшін Тұрысбек 14 матч ойнап, 3 гол салған. "Қайрат" сапында екі рет ҚПЛ-дің күміс жүлдегері атанды, ел Кубогы мен Суперкубогын ұтты, ал "Тобылмен" Қазақстан премьер-лигасының қоласын иеленген.