Қазақстан құрамасының ойыншысы Ресей чемпионатында ауыр жарақат алды

Ресейдің "Зенит" клубында ойнайтын Қазақстан ұлттық құрамасының қорғаушысы Нұрәлі Әліп жарақат алып қалды, деп хабарлайды msports.kz сайты. 

Қазақстандық футболшы "Крылья Советов" командасына қарсы ойында негізгі құрамда алаңға шықты. 72-минутта бұрыштамадан асырылған допқа бірінші жетіп, баспен гол соқты.

Алайда арада 10 минут өте Нұралы тобығын қайырып алып, алаңдағы орнын ерте босатты. Жарақат алған сәттің фотосуретін "СБГ Мысли Вслух" Telegram арнасы жариялады. 

"Әліптің жантүршігерлік жарақаты (оң аяғының тобығы тайып кеткен). Қазақтың тезірек сауығып, қатарға қосылуын тілейміз", - деп жазды аталған арнаның авторы.