Қазақстан құрамасының капитаны Еуроға іріктеу матчі алдында жарақат алып қалды

Футболдан Қазақстан ұлттық құрамасы капитаны Асхат Тағыберген жарақат алып қалды. Ол енді құраманың Еуропа чемпионаты іріктеуіндегі Сан-Марино мен Словения құрамаларына қарсы ойынына қатыса алмайды, деп хабарлайды "Серый CARDINAL" телеграм арнасы. 

Асхат 25-турда "Шахтерге" қарсы ойынның екінші таймында алаңдағы орнын уақытынан бұрын босатқан еді. Оған себеп жарақаты болатын. Футболшы аяғының саусағын сындырып алған. 

Капитан 6 аптадай ем қабылдайды. Ұлттық құраманың қараша айында өткізетін Сан-Марино мен Словения құрамаларына қарсы ойынына қатыса алмайды. 

Айта кетейік, кеше өз алаңында Қарағандының "Шахтер" клубын жеңген "Ордабасы" өз тарихында алғаш рет ел чемпионы атанған болатын.