Польша біріншілігінде өнер көрсететін краковтық "Висла" командасы 46 жастағы бас бапкер Адриан Гуланың командадан кеткенін хабарлады, деп жазады KazFootball.kz порталы.
Келісімшарт екі жақты бітім бойынша бұзылған.
Айта кетейік, Гула "Висланың" бас бапкері қызметін 2021 жылдың маусымынан бері атқарып келді. Оның бастамасымен команда тоғыз кездесуде жеңіске жетіп, төрт кездесуде тең ойнап, он екі рет жеңілген. Қазір "Висла" 21 турдан кейін 18 команданың ішінде 13-орында келеді.
Еске салайық, дәл осы "Висла" командасы сапында Қазақстан құрамасының жартылай қорғаушысы Георгий Жуков өнер көрсетеді.