Бүгін, 20 қаңтарда футзалдан Қазақстан құрамасы Нидерландыда өтіп жатқан Еуро-2022 тунирінде бірінші кездесуін өткізеді, деп хабарлайды Vesti.kz.
Пауло Рикардо Кака жаттықтыратын жігіттер Словенияға қарсы ойнайды. Бұл топтағы өзге матчте Италия мен Финляндия күш сынаспақ.
Словениямен ойын 22:30-да басталады, оны Qazsport арансынан тамашалай аласыз. Ал тікелей трансляция мына жерде қолжетімді.
Айта кетейік, бұл жарысқа құрамамыздың кейбір ойыншылары мен бас бапкер бірден бара алмады. Бұған себеп олардың тесті COVID-19 індеті барын көрсеткен.
Турнирдегі бірінші матчте Еуропаның қазіргі чемпионы Португалия құрамасы Сербиямен ойында камбэк жасады, ал Нидерланды командасы Украинаны ұтты.