Қазақстан құрамасының бұрынғы бапкері "Таразды" жаттықтыратын болды

59 жастағы қазақстандық маман Вахид Масудов "Тараздың" бас бапкері болып тағайындалды. Бұл туралы клубтың ресми сайтында жарияланған.

Бас бапкер бүгін, 10 желтоқсанда "Тараз" ұжымына таныстырылды. 1999-2000 жылдары аралығы Масудов бұл клубты басқарған болатын.

Өткен маусымда "Тараз" Нүркен Мазбаевтың жаттықтыруымен алғашқы лигада екінші болды да, премьер-лигаға жолдама ұтып алды.

Сонымен қатар, Масудов "Тараздан" бөлек "Қайрат", "Шахтер", "Локомотив" (қазір - "Астана"), "Атырау", "Восток" және "Ордабасы" клубтары мен Қазақстанның ұлттық және жастар құрамасын жаттықтырды. 2009 жылы "Атырауды" жаттықтырып, Ел Кубогын жеңіп алған.