Футболдан Қазақстан құрамасының бас бапкері Магомед Адиев Қазақстан біріншілігінде командалар санының қысқартылуына байланысты пікірін білдірді, деп жазады kazfootball.kz порталы.
Ресейлік маман ҚПЛ-дегі өзгеріске түсіністікпен қарайтынын айтты.
"Командалар санының қысқартылуы жақсы ма, жаман ба дәл қазір маған айту қиын. Мұны тек уақыт көрсетеді. Командалардың саны стадиондардың нашарлығына байланысты айтылып жатқанын түсінемін. Федерация президенті клубтарлың дамып, талаптарға сай болғанын қалайды. Сонымен қатар, былтырғыдай қаржылық қиындықтар болмау үшін істелуде. Өткен жылы біраз клубтар жалақыны кешіктірген еді.
Жанкүйерлерге мұның ұнамайтынын да білемін. Бірақ идея болса соны іске асырып, содан кейін нәтижесін көру керек", - деді Адиев.