Қазақстан құрамасы үшін 30 матч ойнаған футболшы карьерасын аяқтады

37 жастағы футболшы Ренат Абдулин ойыншы карьерасын аяқтады. Қорғаушы ойнаған кейінгі клуб "Оқжетпес" болатын, өткен маусымда көкшетаулық команда үшін ол жеті матчке қатысты, оның біреуі бірінші лигада өтті, - деп хабарлайды Vesti.kz сайты Transfermarkt порталына сілтеме жасап.

Абдулин карьерасын алматылық "ЦСКА-Кайрат" клубында 1999 жылы бастаған. Кейін "Қайрат", "Восток-Алтын", "Локомотив", "Тобыл", "Қайсар", "Ордабасы", "Атырау" командаларында өнер көрсеткен.

"Қайрат" (2004) және "Тобылмен" (2010) екі рет Қазақстан чемпионы атанды. 2002-2016 жылдар аралығы Қазақстан құрамасы үшін 30 матчте ойнап, екі гол салды.

Айта кетейік, маусым аралығында "Ордабасының" бұрынғы ойыншылары Кирилл Ковальчук пен Валерий Коробкин де карьерасын аяқтады.