Қазақстан құрамасы маусымдағы жолдастық кездесуін кіммен және қашан өткізетіні белгілі болды

Футболдан Қазақстан құрамасы Косовоға қарсы жолдастық кездесу өткізеді, деп хабарлайды ҚФФ баспасөз қызметі. 

Екі ел федерациялары матчтың Косовода өтуі туралы келісімге келген. Ойын 4 маусым күні Приштин қаласындағы "Фадиль Вокри" стадионында өтеді.

ФИФА рейтингінде косовалықтар 120-шы орында. 2016 жылдың мамырында Косово ресми түрде УЕФА мен ФИФА қатарына қабылданған. 

Косово ел құрамасының 69-шы, оның ішінде 40-шы еуропалық қарсыласы болмақ.

2018 жылдан бері бұл құраманы швейцариялық маман Бернар Шалланд жаттықтырады.

Осыдан бұрын Талғат Байсуфинов шәкірттері 7 маусымда тағы бір жолдастық кездесу өткізетіні туралы ақпарат шыққан болатын. Алайда екінші кездесудегі қарсылас туралы әлі ресми дереккөз ақпараты шыққан жоқ.