Халықаралық футбол федерациясы (ФИФА) Ұлттық құрамалар арасында қыркүйек айының жаңа рейтингін жариялады, деп хабарлайды Vesti.kz порталы.
Жаңартылған рейтингте Қазақстан құрамасы 124-орыннан 120-орынға көтерілді. Біздің құраманың еншісінде 1151.18 ұпай бар.
Айта кетейік, қыркүйек айында Қазақстан әлем чемпионатының іріктеуінде үш кездесу өткізді. Алдымен Талғат Байсуфиновтің тәлімгерлері Нұр-Сұлтанда Украина құрамасымен 2:2 есебімен тең ойнады. Кейін сырт алаңда Финляндиядан 0:1 есебімен жеңілсе, кейін тағы сырт алаңда Босния және Герцеговина құрамасымен 2:2 есебімен тең тарқасты.
Рейтингтің көш басында Бельгия (1832 ұпай) тұр. Екінші орында Бразилия (1811) болса, үздік үштіктің қатарына Англия (1755) құрамасы көтерілді.