Футболдан Қазақстан құрамасының қорғаушысы Ян Вороговский "Беерсхот" үшін кезекті матчке қатыса алмады, дегенмен, оның командасы "Ломмель" клубын ұта алды (2:1), - деп хабарлайды
Vesti.kz.
"Беерсхот" сапында шабуылшы Мариус Нубисси дубль жасады. Осылайша, бельгиялық клуб тағы үш ұпай жинап, екінші дивизион көшбасшысы "Вестерлодан" тоғыз балл қалып келеді.
Вороговский 8 ақпанда өткен "Руселареге" қарсы ойында жарақат алған. Осыған байланысты бірнеше матчке қатыспады. Клубтың баспасөз қызметінің мәліметінше, "Қайраттың" бұрынғы футболшысы алаңға жақын күндері шығады.
Бельгия чемпионатының биылғы маусымында Вороговский 17 матчте, бір гол салып, төрт сары қағаз алды.