Футболдан Қазақстан құрамасы Еуро-2024 турниріне іріктеу аясындағы келесі ойынын Италияның Парма қаласында өткізеді, деп хабарлайды Vesti.kz.
Бұл туралы Қазақстан футбол федерациясының Youtube арнасындағы "ДНК футбола" бағдарламасында ұлттық команда капитаны Асхат Тағыберген айтып берді:
"Сан-Мариноға қарсы Пармада ойнаймыз. Олар стадионды жауып тастады".
Матч 16 маусымда өтеді. Қазақстан құрамасы бұған дейін ешқашан Италияда ойнап көрмеген екен.
Еске салайық, 2019 жылы Қазақстан Еуро-2020 жарысына іріктеу аясында Сан-Мариномен сырт алаңда ойнап, 3:1 есебімен ұтқан болатын.