Қазақстан әйелдер құрамасы 2027 жылғы әлем чемпионатына жолдама үшін күресін жалғастырып жатыр. Еуропалық іріктеу кезеңінің топтық сатысы қорытындысы бойынша Бегайым Қырғызбаеваның шәкірттері турнирдің плей-офф кезеңіне жолдама алды, деп хабарлайды Vesti.kz.
Қазақстандық футболшылар өз іріктеу тобында екінші орынға ие болды. Бұл нәтиже командаға Еуропа аймағындағы іріктеу турнирінің плей-офф кезеңінің бірінші раундына шығуға мүмкіндік берді.
Енді Қазақстан құрамасын келесі кезеңнің жеребесі күтіп тұр. Дәл осы рәсім өтпелі матчтардағы қарсыласты анықтайды.
Плей-оффтың бірінші кезеңіне арналған жеребе тарту рәсімі 18 маусым күні Швейцарияның Ньон қаласында өтеді.
Айта кетейік, 2027 жылғы әйелдер арасындағы әлем чемпионатының финалдық кезеңі Бразилияда ұйымдастырылады.
Жарнама