Қазақстан жастар құрамасы Қырғызстанмен жолдастық матч өткізеді

21 жасқа дейінгі Қазақстан жастар құрамасы 2023 Еуропа чемпионатының іріктеу турнирінде Шотландиямен болатын ойынға дайындықты 18 наурыз күні бастайды, деп хабарлайы ҚФФ баспасөз қызметі. 

Талғарда өтетін оқу-жаттығу жиыны аясында Қайрат Нұрдәулетов командасы Қырғызстанның олимпиадалық құрамасымен (U-23) жолдастық матч өткізуді жоспарлап отыр. Кездесудің басталу уақыты – 17:00.

Екі жақтың келісімі бойынша ойын жабық күйде өтетіндіктен трансляция болмайды. 

Айта кетейік, Қазақстан мен Шотландия құрамалары арасындағы ресми ойын 29 наурыз күні Алматы қаласының "Орталық стадионында" өтеді.