Қазақстан футболшылары Армения құрамасын ойсырата жеңіп қарымтасын алды

Футолдан Қазақстанның әйелдер құрамасы Армения командасымен жолдастық кездесу өткізді, деп хабарлайды Vesti.kz тілшісі ҚФФ баспасөз қызметіне сілтеме жасап. 

Еревандағы Вазген Саркисян стадионында өткен кездесу 3:0 есебімен алаң қонақтарының пайдасына аяқталды. Қазақстан командасынан гол салғандар: Бегайым Қырғызбаева (5-ші минут), Светлана Бортникова (13-ші) және Әселхан Тұрлыбекова (81-ші минут).

Осылайша, Калоян Петков жаттықтыратын команда бірінші лигадағы жеңілісі үшін қарымтасын алды. 12- маусым осы стадионда өткен кездесуде 2:1 есебімен Армения ұтқан еді.