Қазақстан чемпионы соңғы турда анықталады

Футболдан Қазақстан чемпионатының 25-турында "Қайрат" пен "Астана" клубтары кездесті, деп жазады Vesti.kz тілшісі.

Турдың орталық матчында жалғыз голды 8-минутта Небойша Косович соқты. Бірінші таймның аяқталуына 3 минут қалғанда төреші Игорь Чесноковтың жұмысына көңілі толмаған қонақтар толыққанды жасыл алаңды тастап кетті. Алайда бірнеше минуттан кейін "Астана" ойыншылары алаңға қайта шықты. Үзілістен кейін Андрей Тихонов шәкірттері допқа көбірек иелік еткенімен, таблодағы есепті өзгерте алмады. Қорытынды есеп 1:0.

Осылайша, "Қайрат" 50 ұпайға қол жеткізіп отыр. "Астана" болса 56 баллмен турнир кестесінің екінші сатысына түсіп қалды. Себебі "Тобыл" өз алаңында "Шахтерді" ірі есеппен ұтып, 58 ұпай еншіледі. Енді 2021 жылдың чемпионы соңғы турда анықталады. Қазан айының 30 жұлдызы "Тобыл" қонақта "Ақжайықпен" кездессе, "Астана" өз алаңында "Тұранды" қабылдайды.