"Қазақ жақсы әсер қалдырды". Ресейлік БАҚ Зайнутдиновты Еуропа лигасы матчіндегі үздік ойыншы деп атады

Soccer365.ru басылымы Қазақстан құрамасының футболшысы Бахтиер Зайнутдинов "Вольфсбергпен" матчте ЦСКА сапындағы ең мықты ойыншы болды деп есептейді.

Еуропа лигасы топтық кезеңінің бесінші турындағы ойын Мәскеуде өтіп, 1:0 есебімен қонақтар жеңді. 

"Матчтің үздік ойыншысы - Зайнутдинов. Бастапқыда ЦСКА жанкүйерлері трансферді бағаламаған еді, ал енді Қазақстан құрамасы футболшысына бүйректері бұрды. Бахтиер оң жақ қапталдағы қорғанысқа шықты - бұл оған жаңалық емес, ол әмбебап ойыншы. Орны қорғаныста болғанымен, Зайнутдинов бәр жерде болды - оң жақтан шабуылда жүгірді, сол жақтан да (пенальти әкеле жаздады), қорғанысты да ұмытпады - матч басында тамаша финтпен "Вольфсберг" шабуылын бастатқызбай, керісінше "әскерилер" шабуылына түрткі болды. Жалпы, қазақ қорғаушы? Жартылай қорғаушы?  Жарайды, Зайнутдинов тамаша әсер қалдырды - ЦСКА командасының бүгінгі ойынында жалғыз сол көңілге медеу болды", - делінген мәтінде.