Беларусь футболшысы Максим Цыгалко өмірден озды, деп хабарлайды Tribuna.com.
Футболшының жасы 37-де ғана болатын. Қалай қаза болғаны жайлы хабар айтылмаған.
Максим Цыгалко 2004 жылы Беларусь елінің чемпионы, кубок иегері (2002/2003) болған. Ұлттық құрама сапында екі ойынға қатысқан.
Өз елінде "Динамо Минск", "Нафтан", "Савит" командаларында, Арменияның "Бананц" клубында доп тепкен. 2007-2008 жылдары Қызылорданың "Қайсар" командасында ойнаған. 21 кездесуге шығып, 7 гол соққан.