Қазақстан премьер-лигасы 32-ші турында қостанайлық "Тобылды" жеңген "Астана" мерзімінен бұрын Қазақстан чемпионы атанды, - деп хабарлайды Vesti.kz.
Қазақстан чемпионаты аяқталуыға бір тур қалғанда чемпион анықталды. Қостанайда өткен ойында "Астанаға" жеңіс сыйлаған голды 38-ші минутта Юрий Логвиненко соқты.
Ал чемпиондық атаққа үмітті болып келген "Қайрат" Павлодарда "Ертістен" 5:0 есебімен ұтылды. "Ордабасы" 32-ші турда "Атырауды" ұтып, үшінші орынға көтерілді.
Бірінші лига ойындарының нәтижесі бойынша "Қызылжар" мен "Каспий" клубтары премьер-лигаға шықты. Петропавл қаласының командасы араға бір салып оралса, ақтаулық команда 2001 жылдан бері жоғарғы лигада ойнамаған. Қосымша бір жолдамаға "Ақжайық" таласады, ал қарсыласы премьер-лиганың соңғы турында анықталады.
Ел премьер-лигасының соңғы туры 10 қараша күні өтеді.