Алматылық "Қайрат" Чемпиондар лигасының іріктеу кезеңі аясында сырт алаңда финляндиялық КуПС командасынан ұтылды, деп хабарлайды Vesti.kz.
Ойын Финляндияның Куопио қаласында өтті және финляндиялықтардың пайдасына 2:0 есебімен аяқталды. Екі гол да екінші таймда соғылды.
49-минутта КуПС шабуылшысы Мохамед Туре айып алаңы сызығының маңынан тепкен добымен Александр Заруцкий қақпасының жоғары бұрышын дәл көздеді.
71-минутта Яакко Оксанен де айып алаңынан тыс жерден күшті соққы жасап, допты "тоғыздыққа" дәл бағыттады.
Айта кетерлігі, бірінші таймда "Қайраттың" белорусиялық жартылай қорғаушысы Валерий Громыко финляндиялықтар қақпасына гол соққан еді, алайда, испаниялық төреші Алехандро Муньис Руис бұл голды офсайд үшін есепке алмады.
Енді қарымта матч 29 шілде күні Алматыда өтеді.
Жарнама