"Қайраттың" бұрынғы капитаны бундеслигадағы дебютін жеңіліспен бастады

Польшалық футболшы Яцек Гуральски "Қайраттан" кеткеннен кейін бундеслига клубы "Бохум" сапындағы алғашқы ойынын өткізді, деп хабарлайды Vesti.kz тілшісі.

Алайда Гуральскидің дебюті сәтті болмады. Оның командасы өз алаңында "Бавариядан" 0:7 есебімен ойсырай жеңілді. Матч барысында Лерой Сане (4-ші минут), Маттейс де Лигт (25-ші), Кингсли Коман (33-ші), Садио Мане (42-ші, 60-шы минутта пенальтиден), Кристиан Гамбоа (69-шы, өз қақпасына) және Серж Гнабри (76-шы минутта) көзге түсті.

Гуральски алаңға 68-ші минутта, Филипп Ферстерді алмастыруға шықты.