Алматылық "Қайраттың" бұрынғы шабуылшысы Вагнер Лав Үндістан Суперлигасының үш дүркін жеңімпазы "Ист Бенгал" командасымен келісімшарт жасайды, деп хабарлайды Vesti.kz порталы.
Дереккөздің мәліметі бойынша, бразилиялық шабуылшы Калькутта қаласының намысын қорғайтын клубтан ресми ұсыныс алған.
Бұған дейін Лавқа Данияның чемпионы қызығушылық білдіріп жатыр деген ақпарат шыққан болатын.
Еске салайық, Лав алматылық "Қайратта" екі жыл ойнады. Биыл оның командамен келісімшарты аяқталды. Алматылық клубпен ол Қазақстан чемпионаты мен Қазақстан кубогін жеңді. Жалпы "Қайрат" сапында бразилиялық 57 кездесу өткізіп, 27 гол соғып, 20 нәтижелі пас берді.