"Қайраттың" бұрынғы ойыншылары Раде Дугалич пен Небойша Косович еркін агент ретінде Қытайдың "Мэйчжоу Хакка" клубына толығымен ауысты, деп хабарлайды Transfermarkt.ru.
"Мэйчжоу Хакка" бірінші лигада екінші болып, 2022 жылғы суперлигаға жолдама алды.
Екі футболшы да алматылық клубпен 2020 жылы Қазақстан чемпионы атанған. Дугалич 95 матчте 12 гол салып, екі ассист жасады, ал Косович 72 ойында тоғыз гол және тоғыз нәтижелі паспен көзге түскен екен.
Қысқы маусым аралығында "Қайрат" сапы жаңарғанын айта кетейік. Алматылық клубтан Дино Миканович, Камо Оганесян және өзге де ойыншылар кеткен еді.