Қайратқа сәттілік, ал "Атлантас" клубына мынадай ойыншылары мен қаражаты арман болып қалады - литвалық журналист

Сурет "Қайрат" баспасөз қызметінен алынды

Литвалық Krepšinis.lt спорттық сайтының редакторы Лауринас Буткаускас Vesti.kz тілшісіне Еуропа Лигасындағы "Атлантас" командасының "Қайратпен" өткен ойындарының қорытындысы бойынша өз ойын айты. Сонымен қатар, маман алматылық команданың албаниялық "Скендербеу" клубымен өтетін ойынға болжам жасады.

"Қарымта ойында "Қайрат" еркін ойнады, "Атлантас" осы мүмкіндікті жақсы пайдаланды. Алайда қазақстандық клуб тез ес жиып, ойындағы басымдылыққа ие болды. Екі клубтың деңгейлерін салыстыруға мүлдем келмейді. Мен албаниялық "Скендербеу" жігіттерімен "Қайрат" ойыншылары қатты бас ауыртпайтынына сенімдімін. Менің ойымша, албаниялық клубтың дәрежесі біздікімен бірдей. "Қайратқа сәттілік, ал "Атлантас" клубына мынадай ойыншылары мен қаражаты арман болып қалады", - деді Бутқаускас.

Еске салайық, бұл "Қайрат" үшін УЕФА жарыстары аясында ең ірі жеңіс болды. "Қайрат" пен "Атлантас" арасындағы қарымта матч 6 шілдеде Литвада өтті. Ойын 2:1 есебімен қазақстандық клубтың пайдасына шешілді. Қайраттың ендігі қарсыласы албаниялық "Скендербеу" клубы, олар андорралық "Сан-Хулиа" қжымын екі ойынның қорытындысы бойынша 6:0 есебімен жеңді.

Еуропа Лигасының үшінші айналымында "Қайраттың" қарсыласы италиялық "Милан", түркиялық "Фенербахче" немесе ресейлік "Зенит" болуы мүмкін.

Әлеуметтік желілерде бөлісу