"Кайрат" клубының қақпашысы Темірлан Анарбеков жанкүйерлердің дауыс беру нәтижесі бойынша 2025 жылғы маусымның үздік ойыншысы атанды. Бұл туралы алматылық клубтың баспасөз қызметі хабарлады, деп жазады Vesti.kz.
Жанкүйерлер "Кайраттың" қаһарманын таңдады22 жастағы қақпашы жанкүйерлерден ең көп дауыс жинады. "Сары-қаралар" атап өткендей, жақын күндері Анарбековке жеке марапат табысталады.
Қақпашының жарқыраған кезеңі өткен жазда басталды. Ол Чемпиондар лигасы іріктеуінде күтпеген жерден негізгі ойыншыға айналды. Шотландиялық "Селтикпен" сырт алаңдағы алғашқы ойында (0:0) негізгі қақпашы Александр Заруцкий жарақат алып, оның орнын Анарбеков басты.
Алматыдағы қарымта матчта да есеп ашылмады (0:0). Пенальти сериясында Темірлан негізгі қаһарманға айналып, үш соққыны қайтара отырып, "Кайратты" тарихында алғаш рет басты еурокубоктың негізгі кезеңіне шығарды.
Осы жарқын ойынынан кейін ол Қазақстан құрамасына шақырту алды және 2026 жылғы әлем чемпионатының іріктеу матчында Уэльске қарсы ойында (0:1) дебют жасады.
Маусым статистикасыБиыл Анарбеков 18 матч өткізіп, оның 11-де қақпасын "құрғақ" сақтады. Барлығы 13 гол жіберіп, "Кайрат" қорғанысындағы ең маңызды ойыншылардың біріне айналды.
Қақпашының нарықтық құны шамамен 400 мың еуро (234,5 миллион теңге шамасында) деп бағаланып отыр.