Ресейлік қорғаушы Виктор Васин мәскеулік ЦСКА сапынан "Қайратқа" ауысып жатыр, деп хабарлайды "Инсайды от Карпа" телеграм арнасы.
"Карп-бей Алматыдан хабарлап отыр: "Қайрат" ЦСКА-дан Виктор Васинді сатып алып жатыр, оның мәскеуліктермен келісімшарты 2022 жылдың жазында аяқталады.
Әскерилер ақша үнемдеу жолдарын қарастырып жатқанда, осы нұсқа да шыға қалды. 33 жастағы ойыншы кетісімен (6 қазанға дейін) клуб 300 мың еуро үнемдейді.
"Қайрат" футболшыны бір жылға жалға алып, келісім бойынша оны тағы бір маусымға ұзарту мүмкіндігі бар. Ал жалға алу ақысы өте төмен", - деп жазады дереккөз.