"Қайрат" клубтан "қашып" кеткен жартылай қорғаушыға қатысты мәлімдеме жасады

Алмыталық "Қайрат" ресми сайтында команданың орналасқан жайын тастап шыққан жартылай қорғаушы Акмаль Бақтияровқа қатысты мәлімдеме жасады.

"Биыл маусымда "Қайрат А" командасының ойыншысы Бақтияров Акмаль клубпен келісімшартта бола тұра, белгісіз агенттің айтқанына көніп, клубтан өз бетінше кетіп қалған. Мұндай әрекет ұзақ мерзімді шеттетуге себп болатынын және футболдағы мансабын аяқталуына әкелуі мүмкін екенін түсініп, "Қайрат" ФК оны қайтару үшін барлық мүмкін амалдарды пайдаланды. Оның үстіне Акмаль ойланар деген үмітпен клуб барлық ақпаратты жоққа шығарып отырды. Алайда бұл амал бекер болды - агенттің уәдесі ол үшін маңызыдырақ болып шықты.

Өзінің заңды құқығын қорғау мақсатында клуб даулы жағдайларды шешетін Палатаға шағымданды. 24 шілдеде Палата ойыншыны шеттету мен оған айыппұл салу туралы шешім шығарды.

"Қайрат" ФК тәрбиеленушісімен болған жағдайға өкініш білдіреді және бұдан ары өз құқығын қорғау бойынша барлық амалдарды қолданады", - делінген хабарламада.

Әлеуметтік желілерде бөлісу