Алматылық "Қайрат" футбол клубы 15 қаңтарға дейін жалғасатын оқу-жаттығу жиынын Біріккен Араб Әмірліктерінің Абу-Даби қаласында өткізеді, деп хабарлайды Vesti.kz.
Оқу-жаттығу жиыны аясында алматылықтар екі жолдастық матч өткізуді жоспарлап отыр: 9 қаңтарда — әзірбайжандық "Нефтчи" клубына қарсы, ал 14 қаңтарда - хорватиялық "Вараждин" командасымен кездеседі.
Алайда Дастан Сәтбаев, Олжас Байбек және Азамат Тұяқбаев жарақатына байланысты ем қабылдап, оңалту кезеңінен өтіп жатқандықтан, жиынға қатыспайды.