Алматылық "Кайрат" футзал клубы Чемпиондар лигасының 1/8 финалының алғашқы матчінде бельгиялық "Спортинг-Андерлехтті" ұтты, деп хабарлайды Vesti.kz.
Брюссельдегі матч казахстандық клубтың пайдасына 7:3 есебімен аяқталды.
Екінші минутта Кайо Руис "Кайратты" есепте алға шығарды. Алаң иелері бұған үш голмен жауап қайтарды: үшінші минутта Ранжел мен Грелло көзге түсті. Оныншы минутта Панеш Феликс гол соқты.
Алматылық команда қайта жинақталып, есепті теңестіруге жақындады: 11-минутта Оливейра да Сильва есепті 3:2 етсе, 12-минутта Отанья нәтижені теңестірді.
Тартысты өткен бірінші таймнан айырмашылығы, екінші бөлімі толықтай алматылық команданың пайдасына шешілді. 21-минутта Дәурен Тұрсағұлов қонақтарды екінші рет алға шығарды. Бес минуттан кейін Да Сильва бельгиялық клуб қақпасына бесінші голды соқты. 29-минутта Биржан Оразов есепті 6:3 етті.
Ойынға нүктені матчтің аяқталуына 30 секунд қалғанда Отанья қойды.
Командалар арасындағы қарымта матч 5 желтоқсанда Алматыда өтеді.
Айта кетейік, "Семей" алғашқы матчте поляк "Пяст" клубын қабылдады. Ойынның аяқталуына бес минут қалғанда казахстандық клуб 3:0 есебімен алда тұрған, алайда қонақтар жеңілістен құтылып, есепті 3:3 етті. Шешуші гол матчтің бітуіне төрт секунд қалғанда соғылды.