Биыл футболдан Катарда әлем чемпионаты өтеді. Осыған орай Халықаралық Футбол Федерациясы (ФИФА) парсы шығанағындағы мундиальдың топтық кезең ойындары мен финалдық матчына билеттер сата бастады. Ресми сатыла бастаған күні әлемнің жан-жағынан Катардағы футбол тойына билет алуға 1,2 млн жанкүйер онлайн форматында өтініш білдірген.
Өтініш қалдырған жанкүйерлердің басым бөлігі – Катар, Аргентина, Мексика және АҚШ елдерінен болып отыр. Финалдық ойынды стадионнан өз көздерімен көру үшін 140 мың жанкүйер дайын екендігін жеткізген.
Сатылымның алғашқы кезеңі 8 ақпанға дейін жалғасады. Сонымен топтық кезеңдегі ойындардың бағасы шетелдіктер үшін – 250-800 катар риалы тұрса (69$-220$ АҚШ доллары), жергілікті жанкүйерлер үшін – 40 риалға сатылуда (11$).
Финалдық кездесудің бағасы шетел азаматтарына – 220-5850 риалдан (604$-1600$), ал катарлық жанкүйерлер әлем чемпионатының финалы небәрі 750 риалға айналады (206$).
Еске салайық, араб әлемінде алғаш өткелі жатқан мундиаль қараша айының 21 мен желтоқсан айының 18 күндері аралығы өтеді. Қазақстан құрамасы аталмыш турнирге қатыспайды.