"Каспий" екі сербиялық футболшыны қатарға қосқанын хабарлады

Ақтаулық "Каспий" сербиялық футболшы Ненад Гавричпен және Милош Станоевичпен келісім-шартқа отырды.

29 жастағы жартылай қорғаушы "Црвена Звезда", "Войводина", "Младост" және "Раднички" командаларында ойнаған.

Өткен маусымда Гаврич Сербия чемпионатында 30 матч өткізіп, 9 гол мен 6 нәтижелі пасты өз атына жазған.

Станоевич бұған дейін "Младост", "Раднички", босниялық "Сараево" және түркиялық "Анкараспор" сияқты командаларда доп тепті. Жартылай қорғаушының соңғы клубы Түркияның бірінші лигасында бақ сынайтын "Анкарагюджу" болды