"Жетісу" клубының директоры қамалды

"Жетісу" футбол клубының директоры Қалмұхамет Дөңсебаев ұсталды.

"Жетісу облысы бойынша мамандандырылған ауданаралық тергеу сотының хабарлауынша, сот шешімімен Д-ны 2 ай мерзімге қамауда ұстау бұлтартпас шарасы санкцияланған. Сот үкімі заңды күшіне енген жоқ", - делінген Жетісу облыстық сотының баспасөз қызметінің хабарламасында.

Талдықорғандық футбол командасы жетекшісінің ұсталу себебі айтылмады. Бұған дейін бірқатар БАҚ-та «Жетісу» футбол клубының директоры мен осы аттас әуе компаниясының басшысы Қалмұхамет Дөңсебаевтың ұсталғаны туралы ақпарат тараған еді.