"Қайрат" сапында Қазақстан біріншілігінде бірнеше рет үздік сұрмерген атанған ивуарлық шабуылшы Жерар Гоу "Ақтөбеге" ауыспайды. Бұл туралы инсайдер Ербол Каиров хабарлады.
33 жастағы шабуылшы "Ақтөбе" командасы сапында бақылаудан өтіп жатқан еді. Бірақ дереккөздің айтуынша, артық салмаққа байланысты қазақстандық команда шабуылшыны алмайтын болды.
Айта кетейік, "Қайраттан" кеткеннен кейін Гоу Түркия және Қытай жерінде өнер көрсетті. Оның соңғы командасы "Касымпаша" болды.