"Барселона" футбол клубы мен Испания құрамасының ойыншысы Ламин Ямаль түнде "Сельтаға" қарсы матчта жарақат алып қалды, деп хабарлайды Vesti.kz.
Футболшы пенальтиді сәтті орындап, алайда аяғынан жарақат алғанын меңзеді. Нәтижесінде ойыншыны алмастыруға тура келді.
Mundo Deportivo мәліметінше, Ямаль сол аяғындағы тізе асты сіңірін жарақаттаған. Егер бұл диагноз расталса, ол Ла Лиганың қалған матчтарына қатыса алмайды. Сонымен қатар, футболшы алдағы әлем чемпионатының басталуына да қатыса алмауы мүмкін.
LAMINE YAMAL GOES DOWN INJURED AFTER SCORING WTF ?? pic.twitter.com/lfV79yelEi
— LIVE GOALS (@FTLiveGoals) April 22, 2026
Ағымдағы маусымда Ламин Ямаль барлық турнирде 45 матч өткізіп, 24 гол соғып, 16 нәтижелі пас берген.
Айта кетейік, 2026 жылғы футболдан әлем чемпионаты 11 маусым мен 19 шілде аралығында өтеді. Испания құрамасы H тобында Уругвай, Сауд Арабиясы және Кабо-Верде құрамаларымен ойнайды.
Жарнама