Жантүршігерлік жол апатына ұшыраған қазақстандық футболшы жақындарынан айырылды

"Семей", "Энергетик", "Ақжайық", "Восток" және "Атырау" клубтарының бұрынғы қақпашысы Илья Байтеряков отбасымен жантүршігерлік жол апатына ұшырады. Бұл туралы футбол шолушысы Айдын Қожахмет Telegram-каналында хабарлады.

"Семейден сұмдық оқиға естідік. Илья жүргізіп келе жатқан көлік Семей-Өскемен тасжолында аударылған. 35 жастағы футболшының кенже баласы мен әкесі тіл тартпай кеткен. Ильяның өзі мен үлкен ұлы ауыр жағдайда жатыр. Илья комада жатыр.

Шешесі мен әйелі де зардап шеккен, олардың жағдайы қалыпты деп бағаланып отыр. Алайда сұмдық оқиға кезінде бұлай деп сөйлеудің өзі қате шығар", - делінген хабарламада.

Илья Байтеряков карьерасында Қазақстанның Премьер-лигасында 45 матч өткізген.