Футболдан Түркия чемпионатының бесінші турындағы "Анкарагюджю" мен "Бешикташ" матчінде (2:3) жанкүйер алаңға жүгіріп шығып, қонақ команданың футболшысын тепті. Осылайша, ол жаппай тәртіпсіздікке себепші болды, деп хабарлайды Vesti.kz.
Анкарадағы ойын аяқталасымен алаңға жүгіріп шыққан жанкүйер тоқтамастан шабуылшы Дженка Тосунды теуіп құлатты. Осы кезде голландиялық форвард Ваут Вегхорст оны тартып жерге құлатты.
Осыдан кейін алаңда жағдай ушығып кетті. Ақыры алаң иелерінен Марлон Шавьер, ал қонақтардан Жозеф де Соуза Диас қызыл қағаз алды.
Келесі ойында "Анкарагюджю" сырт алаңда "Аланьяспорпен" кездеседі. Бұл команда үшін "Қайраттың" бұрынғы шабуылшысы Вагенр Лав өнер көрсеткенін айта кетейік. Матч 11 қыркүйекке жоспарланған.