"Кайрат" қорғаушысы Егор Сорокин Чемпиондар лигасының жалпы кезеңінің төртінші турында миландық "Интерге" қарсы өткен матчтың (1:2) басты қаһармандарының бірі атанды, деп хабарлайды Vesti.kz.
"Кездесудің 34-минутында Сорокин Лаутаро Мартинестің соққысынан кейін қақпа сызығынан допты шығарып, командасын анық голдан құтқарып қалды. Бұл эпизод италиялық БАҚ-та ең көп талқыланған сәттердің бірі болды.
Италияның жетекші спорт басылымдарының журналистері ресейлік қорғаушының әрекетін жоғары бағалады, бірақ оның ойынында кейбір тұрақсыздық бар екенін атап өтті:
Gazzetta dello Sport: 6,0 – "Тамаша сейвпен көзге түсті";
Corriere dello Sport: 5,5 – "Жүз пайыздық голдан құтқарды";
Tuttosport: 6,0 – "Қақпа сызығынан допты шығарды", - деп жазады "СЭ".
Матч "Интер" - "Кайрат" Миландағы әйгілі "Сан-Сиро" ("Джузеппе Меацца") стадионында өтті және алаң иелерінің 2:1 есебіндегі жеңісімен аяқталды.
"Кайраттың" келесі Чемпиондар лигасындағы ойыны 26 қараша күні сырт алаңда даниялық "Копенгагенге" қарсы өтеді.
"Кайраттың" Чемпиондар лигасындағы ойын күнтізбесі:Алматылық клуб жалпы кезеңнің төрт турынан кейін бір ұпай жинады: "Пафоспен" тең ойнап (1:1), "Спортингтен" (1:4), мадридтік "Реалдан" (0:5) және "Интерден" (1:2) ұтылды.
?26 қараша: "Копенгаген" - "Кайрат" (22:45)
?9 желтоқсан: "Кайрат" - "Олимпиакос" (20:30)
?20 қаңтар: "Кайрат" - "Брюгге" (20:30)
?29 қаңтар: "Арсенал" - "Кайрат" (01:00).