Испаниялық төреші футбол тарихында қалады

21 мамыр, сенбі күні төреші Антонио Мигель Лаос әлем рекордын тіркейді. Себебі испаниялық қазы екі тәуліктің ішінде өз елінен жырақта екі елдің кубок финалында жұмыс істемек, деп жазады "СЭ" басылымы.

Лаос осыған дейін Сауд Арабиясы кубогінде төрелік етсе, енді Грекия астанасы Афиныда сенбі күні кубок финалында қызмет етпек. 45 жастағы Лаос "Әл-Хилал" мен "Әл-Фейх" (1:1, пенальти – 1:3) матчынан кейін Афиныға ұшып кетті.

Сонымен қатар, ФИФА рефериі 15 мамырда "Кадис" пен "Реал" кездесуін басқарды.