Испаниялық "Бетис" клубының бұрынғы ойыншылары Антонио Амайя мен Хави Торрес 2013/14 маусымында алдын ала келісілген матчтер үшін бір жылға саотталды, - деп хабарлайды Marca.
Сол чемпионатта "Осасуна" Ла Лигаға ілігу үшін "Бетис" - "Вальядолид" және "Осасуна" - "Бетис" кездесулерінің нәтижесіне әсер етуге тырысқан. Осылайша, "Бетис" сапында ойнаған Амайя мен Торрес өз командаларының "Вальядолидтен" басым болғаны үшін 400 және "Осасунадан" ұтылғаны үшін 250 мың еуро алған.
Алдын ала келісілген матчтерді ұйымдастыруға "Осасунаның" бас директоры Анхель Мария Вискай қатысты болды, ол сегіз жыл және сегіз айға қамалды. Вискай футболшыларға ақшаны көлік тұрағында бергені айтылды.
Осыған қарамастан "Осасуна" Ла Лигадан шығып қалды. Команда жоғары лигада қалуға қажетті 17-ші орынға ілігу үшін бір-ақ ұпай жеткізе алмады.
