Қаңтардың тоғызына қараған түні Испания Суперкубогінің екінші жартылай финал матчі өтеді. Бұл ойында мадридтік "Атлетико" мен "Реал" кездеседі, деп хабарлайды Vesti.kz.
Командалар арасындағы матч Сауд Арабиясының Джидда қаласындағы "Кинг Абдулла Спортс Сити" стадионында өтеді. Ойын Қазақстан уақытымен 00:00-де басталады.
Матч тікелей эфирде Sport+ телеарнасынан көрсетіледі. Трансляция мына сілтеме арқылы қолжетімді.
"Атлетико" - "Реал" матчтерінің статистикасы
Екі клуб өзара 242 матч өткізген. "Атлетиконың" еншісінде 62 жеңіс бар, "Реал" 117 матчта басым түскен, ал тағы 63 ойын тең нәтижемен аяқталған.
Осы маусымда қарсыластар бір рет кездесіп, сол матчта Диего Симеоне шәкірттері 5:2 есебімен жеңіске жеткен.
"Атлетико" мен "Реал" арасындағы соңғы бес матч
27.09.2025. Ла Лига
"Атлетико" — "Реал" — 5:2
12.03.2025. Чемпиондар лигасы
"Атлетико" — "Реал" — 1:0 (пенальти — 2:4)
4.03.2025. Чемпиондар лигасы
"Реал" — "Атлетико" — 2:1
8.02.2025. Ла Лига
"Реал" — "Атлетико" — 1:1
29.09.2024. Ла Лига
"Атлетико" — "Реал" — 1:1
"Атлетико" — "Реал": не сарапқа салынады
Мадрид дербиінің жеңімпазы Испания Суперкубогінің финалына шығады. Финалда ол каталониялық "Барселонамен" ойнайды. Ханс-Дитер Флик шәкірттері өз жартылай финалында Бильбаоның "Атлетигін" 5:0 есебімен ойсырата жеңген.
Испания Суперкубогінің финалы 11 қаңтарда өтеді.
?️ Este estadio está pidiendo fútbol.#superSupercopa pic.twitter.com/yIMk1jr3LV
— RFEF (@rfef) January 6, 2026
Жарнама