Испания мен тағы екі команда Еуро-2024 жарысына іріктелді

Футболдан 2024 жылғы Еуропа чемпионатына тағы үш құрама өтті, деп хабарлайды Vesti.kz.

Еуроның финалдық кезеңіне Испания, Шотландия (А тобы) және Туркия (D тобы) өтті.

Испания сырт алаңда Норвегияны ұтты - 1:0 (голды 49-минутта Гави салды) осылайша, Еуроға жолдамаға кепілді түрде жетіп отыр. Шотландияға қатысты да солай, үшінші келе жатқан Норвегияның оны қуып жетуге еш мүмкіндігі жоқ.

Туркия өз алаңында Латвияны ұтты - 4:0 (Юнус Акгюн 58-минут, Джек Тосун 83 және 90+2, Керем Актюркоглу 87). 

Мұның алдында бұл турнирге Португалия, Франция және Бельгия іріктелген болатын.