Исламханнан талантты есептелген Бауыржан ҚПЛ-дегі басқа клубқа өтті

Қазақстандық жартылай қорғаушы Бауыржан Байтана карьерасын қызылордалық "Қайсарда" жалғастыруы мүмкін, - деп хабарлайды Vesti.kz.

27 жастағы футболшы Қазақстан кубогын иеленген команданың бапкерлер штабының көңілінен шықты. Сондықтан алдағы уақытта екі жақ келісімшарт жасасуы мүмкін. 

Кейінгі маусымда Байтана екі клуб үшін ойнады. "Тараз" сапында ол ел Кубогында бір матч қана ойнады, ал жазда "Шахтерге" өтті. Қарағандылық клубта футболшы 12 ойында бір ассист жасады. 

Байтана карьерасын 2010 жылы бастаған. Бауыржан Исламханнан бір жыл бұрын "Таразда" ойнай бастады және "Қайраттың" бұрынғы капитанынан талантты есептелетін. 

Осыдан кейін Байтана "Атырау", "Сұңқар" (Қаскелең), "Тобыл", "Қайрат" пен "Ақтөбеде" өнер көрсетті. 2014 жылы жартылай қорғаушы Қазақстан құрамасы үшін бір матчте ойнады.